භාෂාව

ජපන් භාෂාවේ අක්ෂර මාලා 03ක් ඇත.ඒවා නම්

• හිරගන

• කතකන

• කන්ජි

කන්ජි

ජපන් භාෂාවේ මූලාශ්‍රය චීන භාෂාවයි.හිරගන අක්ෂර කන්ජි හා සම්බන්ධ කිරීමෙන් සාමාන්‍ය ජපන් වචන ලියනු ලැබේ.‍වෙනත් භාෂා වලින් එන වචන ලිවීමට කතකන හෝඩිය භාවිතා කරයි.හිරගන හා කතකන හෝඩි වල අකුරු 46 බැගින් වේ. හිරගන හා කතකන භාවිතය පහසු වුවත් කන්ජි භාවිතය පහසු නොවේ. කන්ජි අක්ෂර වලට රූපාක්ෂර යැයි කියනු ලැබේ.

අපනයන හා ආනයන භාණ්ඩ

භාණ්ඩ නිෂ්පාදනය ජපානෙයේ ඉමහත් ශක්තියකි.නමුත් එහි ස්වභාවික සම්පත් අල්පය.සාමාන්‍ය පිලිවෙත නම් මූලද්‍රවය ආනයනය කොට භාණ්ඩ නිපදවා දේශීය භාවිතයට ‍ගෙන විදේශීය භාවිතයට අපනයනය කිරීමයි.

අනාගත ආර්ථික ප්‍රවර්ධනය සදහා ඉතා දියුණු අංශයක් වශයෙන් රොබෝවරුන් නිෂ්පාදනය සදහන් කල හැක.ජපන් තාක්ෂණය ලොව මුල් තැනට තිබෙන නිසා මේ අංශයේ හොන්ඩා නිෂ්පාදනයක් වන අසිමෝ නම් රොබෝ මිනිසා දෙපයින් ඇවිදින භාෂාව කතා කරන රොබෝ කෙනෙකි.මෑත අනාගතයේදී විවිධ කාර්යය සදහා රොබෝ සහය ලබා ගත හැකි වන අතර විද්‍යා ප්‍රබන්ධ කතා වල මෙන් මිනිසා සමීපයේ ජීවත් වීමට පුඵවන.

ආහාර

ආහාර වේල යන්නට ජපන් වචනය ගොහන් වේ.මෙහි නියම අර්ථය බත් නමුත් සෑම ආහාරයකටම මෙම වචනය පාවිච්චි චේ.සාමාන්්‍යයෙන් ජපන් ආහාර වේලකට තැම්බූ සුදු බත් සමග මස් හෝ මාළු ද මීට අමතරව පිසින ලද එළවළු හා මිසො නම් සුප් වර්ගයක් හා අච්චාරු මෙන් සැකසු එළවළු අඩංගු වේ.බත් ඇළෙන සුළු නිසා චොප්ස්ටික්ස් නම් ලී කෝටු වලින් කෑමට පහසුය.

වර්තමාන ජපන් ජනයා යුරෝපය,උතුරු ඇමරිකාව හා ආසියාව වැනි ලොව පුරා රටවල කෑම වර්ග ආහාරයට ගනිති.බත් වලට අමතරව පාන්,නූඩ්ල්ස් හා පැස්ටා සමග විවිධ වර්ග වල මස් ,මාළු එළවළු සහ පලතුරු ආදිය ආහාර වේලට එක්වේ.සුෂි,තෙන්පුරා,සුකියකි වැනි ආහාර ජපානයේ පමණක් නොව පිටරට වලද ඉතා විශේෂිත වේ.

කෑමට පෙර ජපන් ජනයා “ඉතදකිමස්” යැයි කියනු ලැබේ. “මේ කෑම පිළිගන්නවා”යන අරුත ඇති මෙය කෑම වේල සකස් කිරීමට එක් වු සැමට ස්තූති කිරීමකි.කෑමෙන් පසුවත් ඉතා හොද කෑම වේලක් යන තේරුම ඇති “ගොචිසෝ සමාදෙෂිතා”කියා නැවත ස්තූති පුදති.

ඉකෙබනා කලාව

ජීවි මල් යොදාගෙන අලංකාර ලෙස ඉකෙබනා මල් සැකසුම් කරනු ලබයි.මෙය වැඩි කාලයක් යොදා ගෙන ඉතා සියුම්ව කරනු ලබයි.ජපන් පන්නයේ නිවාස වල තොකොනමා නම් ස්ථානයේ මෙම මල් සැකසුම් තබයි.ජපන් ජාතිකයන්ගේ ගැඹුරු මානසිකත්වය ම්න් ව්දහා දැක්වේ.

ජපන් රජ පවුල

ජපන් වැසියෝ රාජ්‍යත්වයේ සහ එකමුතුකමේ සංකේතය ලෙස ජපන් රජ පවුල සලකති.නමුත් අධිරාජ්‍යයාට රජයට අදාල බලතල නැත.දැනට ජපානයේ අධිරාජ්‍යයා වී සිටින අකිහිතො අධිරාජ්‍යයා 1989 දී125වන ජපන් අධිරාජ්‍යයා ලෙස රාජ්‍යයත්වයට පත් විය.රජ පවුල අනෙකුත් රාජ්‍යයන් හා සුහදතාවය වර්ධනය කර ගැනීමට මනා පිටුවහලකි.ජපන් ජනයා රජ පවුලට ඉමහත් ගෞරවයක් දක්වති.

උත්සව

 අළුත් අවුරුදු උදාව



මෙදින මධ්‍යම රැයෙහි රට පුරා ඝාණ්ඨාර නාද වේ.ජපානයේ බෞද්ධ විශ්වාසය අනුව මිනිසුන් වෙත ලෞකික ආශා 108ක් තිබේ.ඝාණ්ඨාරය 108 වරක් නාද කිරීමෙන් එම ආශා ඉවත් කල හැකි බව කියවේ.අළුත් අවුරුද්දේ දීර්ඝායුෂ හා මනා සෞඛ්‍යය උදෙසා මෙදින විශේෂ තිරිගු වලින් සෑදු නූඩ්ල්ස් අනුභව කරති.අවුරුද්දේ මුල්ම හිරු උදාව වන්දනා කිරිම,පන්සල් යාම,මිතුරන්ගේ සහ නෑදෑයන්ගේ නිවෙස් වලට යාම,නිවෙස ඉදිරිපිට උණ ගස් සැරසිලි කිරීම ආදිය මෙදින සිදු කෙරේ.

 හිනමත්සුරි


ගැහැණු ළමයින්ගේ වර්ධනය හා සතුට උදෙසා පූජා පවත්වන උත්සවයකි.ගැහැණු ළමයින් සිටින නිවෙස් වල පැරණි රාජකීය ඇදුම් පැළදුම් වලින් සැරසු බෝනික්කන් සහිත අට්ටාලයක් සාදා පීච් මල් වලින් සරසති.බෝනික්කන්ට බත් හා වෙනත් ජපන් කෑම පිළිගැන්වීමද මෙදින සිරිතකි.

 තනබතා

ජපන් විශ්වාස හා චීන ජනකතාවක එන විශ්වයේ තාරකා දෙකක් වටා ගෙතුණු උත්සවයකි.ජූලි7වන දින සමරන මේ උත්සවය දිනට වර්ණවත් කඩදාසි වල බලාපොරොත්තු ලියා උණ බම්බු වල ගැට ගසා හොදින් දර්ශනය වන තැනක එල්ලයි.

බොන් උත්සවය


ජූලි13 සිට15 දක්වා හෝ අගෝස්තුවේ මුතුන් මිත්තන්ගේ ආත්ම වෙනුවෙන් පැවැත්වෙන බෞද්ධ උත්සවයකි.තම මුතුන් මිත්තන් නැවත ගෙදර එන බව විශ්වාස කරමින් ඔවුන්ට මග පෙන්වීමට දොරටු අසල පහන් දල්වයි.කෑම බීම ආදියෙන් පුද පූජා කොට ඥාතීන්ට පින් පමුණුවයි.

තේ සාද චාරිත්‍රය

ජපන් ජාතිකයන් තේ පානය කිරීම්දී විශේෂ සිරිත් අනුගමනය කරයි.චාම් සරල සුන්දරත්වය තුළින් මෙය ගොඩනැගෙයි.මේ සදහා විශේෂ උපකරණ භාවිතා වේ.ස්තූති පූර්වක හැගීමෙන් ඉතා සංයමයෙයන් යුතුව මෙය සිදු කරනු ලබයි.සුන්දරත්වයක් නොදකින දෙයක් තුළින් නිහඩ නිස්කලංක සුන්දරත්වයක් අත්විදීම මෙහිදී සිදු වේ.